O‘quv kurslari saf qismi

O‘QUV KURSLARI SAF QISMI

MAQSADI:

O‘quv kurslari Saf qismi Institutning alohida tarkibiy tuzilmasi bo‘lib, Institut kursantlarini O‘zbekiston Respublikasi Qurrolli Kuchlari Umumharbiy nizomlari talablari asosida, shuningdek milliy g‘oyaga sadoqat va vatanparvarlik ruhida, ilmiy dunyoqarashga ega va mustaqil fikrlashga qodir ma’naviy boy va har tomonlama rivojlangan shaxslar etib tarbiyalash yo‘nalishidagi faoliyatni amalga oshirish

VAZIFALARI:

  • Kursantlarning kundalik turmushi va faoliyatini Institutda belgilangan kun tartibiga muvofiq ravishda amalga oshirish hamda yashash va ta’lim olishlari uchun zaruriy shart-sharoitlar yaratish;
  • Kursantlarni ilmiy dunyoqarashga ega va mustaqil fikrlashga qodir, ma’naviy boy va har tomonlama rivojlangan shaxslar etib tarbiyalash;
  • Kursantlarda yuksak intizomni tarbiyalash, O‘zbekiston Respublikasini himoya qilishga bo‘lgan burch va shaxsiy mas’uliyat, o‘z xalqiga mislsiz sadoqat hissini yuksaltirish;
  • Kursantlarga qasamyodga sodiq bo‘lish, O‘zbekiston Respublikasi Konstitutsiyasi va qonunlariga qat’iy amal qilish hissini singdirish;
  • Kursantlarda yuskak axloqiy-ruhiy va jangovar fazilatlarni shakllantirish hamda saf tayyorgarligi mashg‘ulotlarini tashkil etish.

FUNKSIYALARI:

  • har bir kursant Institutda belgilangan kun tartibi talablarini bilishi va vijdonan bajarishini ta’minlash hamda doimiy nazorat olib borish, ta’lim jarayoni, kundalik faoliyatning boshqa vazifalari bilan uyushgan holda olib borilishini tashkil etish;
  • kursantlarning intellektual, madaniy, ma’naviy va ma’rifiy kamol topishiga bo‘lgan talab va ehtiyojlarini ro‘yobga chiqarish hamda noyob iste’dod sohiblarini aniqlash, badiiy, ilmiy va sport to‘garaklariga ularni jalb etish va kasbiy yuksalishi hamda mukammallikka erishish uchun shart-sharoitlar yaratish;
  • kursantlarda Vatanimiz kelajagi yo‘lida vijdonan va halol mehnat qilish, milliy va umuminsoniy qadriyatlarni hurmat qilish, xalq oldida mas’uliyatni his qilish, ularda fidoiylik hislatlarini shakllantirish va shu kabi boshqa bir qator funksiyalarni bajaradi.

O‘QUV KURSLARI SAF QISMI FAOLIYATI:

O‘quv kurslari saf qismi xizmat faoliyatini Institut boshlig‘i tomonidan tasdiqlangan kun tartibiga qat’iy rioya qilgan holda tashkillashtiradi.

Bugungi kunda Respublikamiz miqyosida olib borilayotgan sohaga oid islohotlarni chuqur o‘rganish maqsadida, O‘zbekiston Respublikasi Prezidentining farmon va qarorlari talablaridan kelib chiqqan holda O‘quv kurslari saf qismining xizmat faoliyati tubdan takomillashtirilib, kursantlarga mazkur normativ-huquqiy hujjatlarning mazmun-mohiyatini tushuntirish hamda qo‘yilgan talablarga munosib, professional kadrlar bo‘lib yetishishlari yo‘lida tizimli ishlar amalga oshirib kelinmoqda.

FAOLIYAT NATIJALARI:

O‘quv kurslari Saf qismi kursantlari 2017 yilning 20 fevralidan 31 mart kuniga qadar “Voleyboll” sport turi bo‘yicha “Dinamo sport jamiyati kompleksi”da, 30-31 mart kunlari “Stol tennisi” bo‘yicha, 18-19 aprel kunlari “Yengil atletika”, 27-29 aprel kunlari “Ko‘pkurash” bo‘yicha, 10-25 may kunlari “Futboll” bo‘yicha, 1-2 iyun kunlari “O‘q otish” bo‘yicha, 18-19 avgust kunlari “Shaxmat” bo‘yicha, 28-30 noyabr kunlari “Qo‘l jangi” bo‘yicha musobaqada munosib ishtirok etishdi.

2017 yilning 30 may kuni Institut terma jamoasi Xorazm viloyatida IIO shaxsiy-tarkibi o‘rtasida o‘tkazilgan sportning «Qo‘l jangi» turi bo‘yicha musobaqada ishtirok etib, 4-bosqich kursanti R.R.Shakirov IIO terma jamoalari ichida “Eng yuqori texnika sohibi” nominatsiyasi g‘olibligini qo‘lga kiritdi. Bundan tashqari IIV yong‘in xavfsizligi xodimlari o‘rtasida joriy yilning 20-23 aprel kunlari Navoiy viloyatida “Yong‘in o‘chirish amaliy sporti” bo‘yicha bo‘lib o‘tgan musoboqada Institut terma jamoasi 5-o‘rinni egalladi.

O‘quv kurslari “Ma’naviyat va ma’rifat” xonalari IIVning tegishli buyruqlari talablari asosida jihozlangan bo‘lib, Prezidentimizning “Kitobxonlik madaniyati” yuzasidan chiqargan qarorlari asosida barcha kurslarda kursantlar bevosita foydalanishlari uchun 400dan ortiq ba’diy adabiyotlar bilan to‘ldirildi.

O‘zbekiston Respublikasi Mudofaa vazirligining tashabbusi bilan 2018 yil 20 yanvar kuni vazirlik “Ma’naviyat va ma’rifat markazi”da MB, Milliy Gvardiya harbiy-texnika instituti, IIV, FVV, va MXXning chegara qo‘shinlariga qarashli oliy ta’lim muassasalari terma jamoalari o‘rtasida “Hazil xizmatimizda yordam beradi” deb nomlangan quvnoqlar va zukkolar ko‘rik tanlovi o‘tkazildi. IIV nomidan Yong‘in xavfsizligi institutining “VSF” ya’ni “Vatanga sodiq farzandlar” jamoasi tanlovda munosib ishtirok etib, fahrli ikkinchi o‘rinni egalladi.

2017 yil fevral oyida “Internetdagi tahdidlardan himoya” nomli kitob taqdimoti yuzasidan, 11 aprel kuni Toshkent Islom Universiteti mutaxassislari ishtirokida “Missionerlikning jamiyat taraqqiyotiga tahdidi” mavzusi bo‘yicha davra suhbatlari, aprel oyida IIV Markaziy poliklinikasi shifokor terapevti ishtirokida “Sog‘lom turmush tarzini shakllantirish-salomatlik garovi” mavzusida o‘quv mashg‘uloti, aprel oyida “Temuriylar tarixi davlat muzeyi”ga hamda “Muqimiy nomidagi O‘zbek davlat musiqiy teatri”ga kursantlarning tashrifi tashkillashtirildi, 17 dekabr kuni institut “ma’naviyat va ma’rifat” zalida “Ichki ishlar idoralari faoliyatini tubdan isloh qilish bo‘yichp qabul qilinayotgan me’yoriy hujjatlarni o‘rganish” rukni ostida seminar mashg‘uloti o‘tgazildi.

2017 yil 11 mayda Sergeli tumanidagi Politexnika kasb-hunar kollejida Muhtaram Prezidentimiz Sh.Mirziyoevning 2017 yil 09 fevral kunida o‘tkazilgan videoselektr yig‘ilishida haftaning payshanba kuni “Jinoyatchilikning oldini olish va huquqbuzarliklar profilaktikasi kuni”, chorshanba kuni “Yong‘inlar profilaktikasi kuni” deb e’lon qilinganligi munosabati bilan tadbir o‘tkazildi.

Vatanga xizmat – oliy saodat!

2017 yil 1 sentabr kuni – O‘zbekiston Respublikasi Mustaqilligining 26 yilligi nishonlanadigan sanada Ichki ishlar vazirligi Yong‘in xavfsizligi institutida   1-o‘quv kursi kursantlari tantanali ravishda O‘zbekiston Respublikasi ichki ishlar organlari xodimining qasamyodini qabul qildilar.

 Shundan so‘ng 1-o‘quv kursi kursantlari birin-ketin Vatani, xalqi hamda Prezidentiga sodiq bo‘lishga qasamyod qilishdi.

An’anaga muvofiq, a’lo o‘qishi, namunali xulqi, jamoat ishlaridagi faolligi bilan safdoshlariga o‘rnak bo‘layotgan kursantlarni “O‘zbekiston Respublikasi ichki ishlar vazirining stipendianti” Fahriy yorlig‘i bilan taqdirlash to‘g‘risidagi respublika ichki ishlar vazirining buyrug‘ini vazir o‘rinbosari polkovnik A.Sh.Mirzaev o‘qib eshittirdi. General-mayor A.A.Azizov Vazir stipendiantlari, ya’ni 3-kurs kursanti Rustam Rajabov, 4-kurs kursanti Davronbek Sulaymonov hamda 5-kurs kursanti Buvaraimov Ziyodullolarga Faxriy yorliqlarni topshirar ekan, ularning kelgusidagi o‘qish va ishlariga muvaffaqiyatlar tiladi.