Jismoniy va jangovar tayyorgarlik kafedrasi

JISMONIY VA JANGOVAR TAYYORGARLIK KAFEDRASI

Xasanov Odil Egamberdievich — kafedra boshlig‘i, podpolkovnik.

KAFEDRA YO‘NALISHI

Kafedraning maqsadi biriktirilgan fanlar bo‘yicha o‘quv, tashkiliy-uslubiy, tarbiyaviy va ma’naviy-ma’rifiy ishlar olib borish, shuningdek, doimiy va o‘zgaruvchan shaxsiy tarkibni jismoniy chiniqtirish va jangovar shayligini oshirishdan iborat.

Kafedraning vazifasi

OLIY TA’LIM DOIRASIDA:

«Yong‘in xavfsizligi» va «Texnosfera xavfsizligi» mutaxassisliklari bo‘yicha kursantlarda kasb faoliyatiga oid bilimlar, ko‘nikmalar va uquvlarni shakllantirishga zamin yaratish, jumladan:

  • kursantlarni ichki tartib va intizomga qatiy rioya qilishlariga erishishni o‘rgatish;
  • favqulotda vaziyatlarda harbiy–jangovar vazifalarni bajarishda harbiy saf, xizmat va jangovar tayyorgarlig mashg‘ulotlari bo‘yicha kursantlarda tushunchalar hosil qilish;
  • kursantlarda tezkor vaziyatlarni baholash va to‘g‘ri qaror qabul qilish ko‘nikmalarini shakllantirish;
  • jismoniy va jangovar tayyorgarligini oshirish shuningdek, jangovar usullarni qo‘llash va o‘zini – o‘zi himoya qilishda kursantalarda amaliy ko‘nikmalar hosil qilish;
  • jismoniy va jangovar shuningdek yong‘in-saf tayyorgarliklari bo‘yicha o‘rnatilgan me’yorlarni kursantlar tomonidan bajarilishiga erishish;
  • sport to‘garaklari ishini tashkil etish va ularda shaxsiy tarkibni muntazam shug‘ullanishlarini ta’minlash;
  • huquqni muhofaza qilish idoralari o‘rtasida o‘tkaziladigan musobaqalarga kursantlar ishtirokini ta’minlash va ularda sog‘lom turmush tarzini yaratishga erishish;
  • kelgusi kasb faoliyatida vujudga keladigan kiyinchiliklarni yengib o‘tishda kursantlarni ruxiy va jismoniy tarbiyalash va chiniqtirishni amalga oshirishga erishish;

Davlat yong‘in xavfsizligi xizmati rahbar kadrlarni tayyorlash oliy kurslari bo‘yicha tinglovchilarda kasb faoliyatiga oid bilimlar, ko‘nikmalar va o‘quvlarni shakllantirishga zamin yaratish:

  • yetuk malakali rahbar kadr bo‘lib yetishishlari hamda ularning ekstremal vaziyatlarda tez va aniq qaror qabul qilishlariga erishishga;
  • tinchlik va urush vaqtida, favqulotda vaziyatlarda harbiy – jangovar vazifalarni bajarish, huquqni muhofaza qilish idoralarining malakali kadrlarini tayyorlash tizimida harbiy saf, xizmat va jangovar tayyorgarligining o‘rni va rolini bilishga;
  • xizmat faoliyatida shaxsiy tarkibning ruxiy va jismoniy tomondan baquvvat bo‘lishlari shuningdek, ularning kasb faoliyatida vujudga keladigan kiyinchiliklariga bardosh bera olishlariga;
  • kasbiy, ahloqiy tarbiyalashni amalga oshirish, ularni ichki tartib intizomga qatiy rioya qilishlarini ta’minlash;
  • qo‘l ostidagi shaxsiy tarkibni tarbiyalash, o‘z ortidan ergashtira olish, kasbiy tayyorgarligini oshirib borish va jamoada sog‘lom ma’naviy-axloqiy muhitni shakllantirish;
  • kelajakdagi xizmatlari jarayonida sodir bo‘ladigan favquloddagi vaziyatlarda harakatlanish tartibida ruhan va jismonan tayyor bo‘lishlariga erishish;
  • tezkor vaziyatlarni baholay olish usullari, to‘g‘ri qaror qabul qilish, qo‘l ostidagilarga to‘g‘ri vazifa qo‘yish;
  • shaxsiy tarkibini yong‘in o‘chirish vaqtida harakat qilishlari uchun doimiy shay holatni ta’minlashni bilish;

OLIY O‘QUV YURTIDAN KEYINGI TA’LIM DOIRASIDA:

Oliy malakali ilmiy va ilmiy-pedagog kadrlarni sifatli tayyorlashni ta’minlash, shuningdek, dissertatsiya tadqiqotlarini olib borishda doktorant, mustaqil izlanuvchi va izlanuvchilarga o‘quv-metodik yordam ko‘rsatish.

ILMIY-TADQIQOT FAOLIYATI DOIRASIDA:

yong‘in va texnosfer xavfsizligi bo‘yicha mutaxassislarni jismoniy va jangovar tayyorgarliklari samarasini oshirishda ilmiy-amaliy izlanishlar olib borish:

Kafedrada o‘qitiladigan fanlar:

  • Yong‘in-saf tayyorgarligi;
  • Harbiy tayyorgarlik;
  • Jismoniy madaniyat.
  • Jangovar tayyorgarlik;
  • Yong‘in-saf tayyorgarligini tashkil etish;
  • Harbiy xizmat va maxsus-taktik tayyorgarlik;
  • Jismoniy va jangovar tayyorgarlik.

KAFEDRA FAOLIYATI

TA’LIM

Kafedra umumkasbiy yo‘nalishdagi fanlarni o‘z ichiga olgan kafedra hisoblanib, biriktirilgan fanlardan oliy ta’lim doirasida «Yong‘in xavfsizligi» va «Texnosfera xavfsizligi» mutaxassisliklari bo‘yicha kursantlar, Davlat yong‘in xavfsizligi xizmati rahbar kadrlarni tayyorlash oliy kurslarida tinglovchilar, kadrlar malakasini oshirish va ularni qayta tayyorlash doirasida Davlat yong‘in xavfsizligi xizmatining xodimlari bilan ma’ruza va amaliy mashg‘ulotlari olib boriladi.

Mashg‘ulotlarni olib borishda zamonaviy o‘qitishning texnik vositalari va pedagogik texnologiyalardan samarali foydalaniladi.

SAYYOR O‘QUV YIG‘INLARI

Kafedra professor-o‘qituvchilari tomonidan O‘zbekiston Respublikasi Prezidentining 2017 yil 23 maydagi PQ-2991-son “Yong‘in xavfsizligi sohasidagi kadrlarni tayyorlash, qayta tayyorlash va malakasini oshirish tizimini takomillashtirish chora-tadbirlari to‘g‘risida”gi va PQ-2992-son “Ichki ishlar organlari Yong‘in xavfsizligi bo‘linmalari faoliyatini tubdan takomillashtirish chora-tadbirlari to‘g‘risida”gi qarorlari, O‘zbekiston Respublikasi Ichki ishlar vazirining 2017 yil 24 iyun kunidagi 113-son “O‘zbekiston Respublikasi IIV Yong‘in xavfsizligi instituti professor-o‘qituvchilar tarkibi tomonidan sayyor o‘quv-amaliy yig‘inlarni o‘tkazish to‘g‘risida”gi buyrug‘i talablari ijrosini ta’minlash maqsadida Andijon, Toshkent viloyati, Xorazm  viloyatlari IIB YoXBlarining barcha shaxsiy tarkibi bilan o‘tkaziladigan o‘quv amaliy yig‘inlar, amaliy mashg‘ulotlar hamda yong‘inga qarshi profilaktik-tushuntirish tadbirlarini, shuningdek, respublika ichki ishlar organlari tizimida amalga oshirilayotgan isloxatlarning mazmun moxiyatini shaxsiy tarkibga yetkazish, mazkur yo‘nalishda kutilayotgan o‘zgarishlar va olib borilayotgan ishlar yuzasidan viloyatlarda mashg‘ulotlar o‘tkazib kelinishi rejalashtirilgan. Kafedra o‘qituvchilari ushbu reja talablarini bajarish maqsadida Andijon va Toshkent viloyatlarida xizmat safarida bo‘lishdi.

TURDOSH OLIY TA’LIM MUASSASALARI, TASHKILOT VA MUASSASALAR BILAN HAMKORLIK

O‘zbekiston Respublikasi IIV YoXBBning hamda Toshkent viloyati IIB YoXBning Xizmat va kasbiy tayyogarlikni tashkil etish bo‘limlaridan kafedraning Yong‘in-saf tayyorgarligi fanidan ishlab chiqilgan Ishchi o‘quv dasturlari, fan dasturlariga, darslik va uslubiy qo‘llanmaga tashqi taqrizlar olinib, Qorovul Qo‘shinlari Bosh Boshqarmasiga qarashli harbiy qismi va IIV Respublika ixtisoslashtirilgan otryadi bilan maskan mashg‘ulotlari o‘tkazilib kelinadi.

Tajriba almashish va nazariyaning amaliyot bilan uyg‘unligini ta’minlash maqsadida quyidagi turdosh OTMlari va amaliy idoralar bilan yaqin aloqalar yo‘lga qo‘yilgan bo‘lib, o‘zaro hamkorlik shartnomalari tuzilgan va samarali ishlar olib borilmoqda: O‘zbekiston Respublikasi IIV YoXBBning “Xizmat va kasbiy tayyogarlikni tashkil etish bo‘limi”, O‘zbekiston Respublikasi Milliy gvardiyasi Harbiy-texnik instituti “Qurol aslaha va o‘q otish” hamda “Umumharbiy fanlar” kafedralari, O‘zbekiston Davlat jismoniy tarbiya institutining “Yakka kurash sport turlari” kafedralari o‘rtasida shartnomalar tuzilgan.

Malaka oshirish

Oliy ta’lim muassasalarining rahbar va pedagog kadrlarini qayta tayyorlash va malakasini oshirish tizimi doirasida kafedra professor-o‘qituvchilar tarkibining malakasini oshirish tizimli ravishda amalga oshiriladi, jumladan:

kafedra o‘qituvchisi Sh.D.Mirzaev 2017 yilda Toshkent Davlat pedagogika universiteti huzuridagi pedagog kadrlarni qayta tayyorlash va ularning malakasini oshirish tarmoq markazida malaka oshirgan.

KAFEDRA FAOLIYATI NATIJALARI

Nashrlar

Kafedrada olib borilayotgan uslubiy va ilmiy ishlarning natijalarini o‘quv jarayoni va amaliyotga tatbiq etish va fanlar bo‘yicha o‘quv-uslubiy materiallarni muntazam ravishda takomillashtirib borish maqsadida tinglovchi va kursantlar uchun so‘nggi yillar davomida 1 ta o‘quv qo‘llanma va darslik, 50 dan ortiq  ilmiy-ommabop maqola, 10 dan ortiq uslubiy ko‘rsatma va 1 ta ma’ruza matnlari to‘plami chop etilgan.

Kafedraning professor-o‘qituvchilariga o‘zgaruvchan tarkib kursantlar bilan Vatan himoyachilari kuniga bag‘ishlangan bayram  tadbirida ko‘rgazmali namoyish chiqishlarida faol qatnashib, Sergeli tumanidagi Moliya-iqtisodiyot kolleji raxbariyati tomonidan tashakkurnoma berildi.

Institutda 2017 yil 14 dekabr kuni o‘tkazilgan “Yong‘in xavfsizligi muammolari, ularning yechimi va yong‘inga qarshi muhofazani takomillashtirish” nomli respublika miqyosidagi ilmiy–amaliy anjumanda kafedraning professor-o‘qituvchilari tomonidan anjuman mavzusiga oid “Provedenie spasatelnыx rabot”, “Yong‘in o‘chirishda shaxsiy tarkibni ruhiy tayyorlash uslubiyati” nomli 2ta ilmiy-ommabop maqola hamda tezislari bilan ishtirok etdilar.

SPORT

Kafedrada xozirgi kunda mavjud 10 ta sport seksiyalari o‘z faoliyatini olib bormoqda. Bular: Yong‘in o‘chirish amaliy sporti, yengil atletika, qo‘l jangi, sambo, ko‘pkurash, jangovar quroldan o‘q otish sporti, futbol, voleybol, shaxmat va stol tennisi turlarini o‘z ichiga oladi.

Sport seksiyalarida murabbiy-xodimlar tomonidan jadval asosida shaxsiy tarkibga mashg‘ulotlar o‘tkaziladi.

Kafedraning xodimlari tomonidan Jismoniy madaniyat va Yong‘in-saf tayyorgarligi fanlari bo‘yicha “Yong‘in o‘chirish amaliy sporti” federatsiyasi hamda O‘zbekiston “Dinamo” JTSJ bilan hamkorlik ishlari o‘quv yili davomida olib boriladi. Hamkorlik doirasida Yong‘in o‘chirish amaliy sporti federatsiyasi hodimlari bilan ko‘rgazmali chiqishlar uyushtiriladi, dars mashg‘ulotlarida foydalanish uchun videofilmlar taqdim etiladi. O‘zbekiston “Dinamo” JTSJ bilan sport musobaqalari kalendar rejalariga muvofiq, Jamiyat xodimlari bilan sportni rivojlantirish yo‘nalishidagi turli xil yig‘ilishlarda ishtirok etadilar.

Doimiy va o‘zgaruvchan shaxsiy tarkibni jismoniy tayyorgarlik ko‘rishlari uchun Institutda quyidagilar mavjud: 400 metrli yugurish yo‘lagi, 100 metrli yugurish yo‘lagi, 2 ta voleybol, 1 ta basketbol va 1 ta futbol maydonlari, To‘siqlardan iborat ruhiy tayyorgarlik yo‘lakchasi, Sport zal (yechinish va yuvinish xonasi bilan), Yong‘in o‘chirish amaliy sporti uchun mo‘ljallangan to‘rt yo‘lakli o‘quv minorasi.

Yong‘in-saf tayyorgarligi fani bo‘yicha mashg‘ulotlarni o‘tishda qo‘yidagi o‘qitishning texnik jihozlaridan foydalaniladi: yong‘in o‘chirish jangovar kiyimlari, yong‘in o‘chirish avtomobili, yong‘in o‘chirish qo‘l narvonlari, qutqaruv arqonlari, 100 metr to‘siqlardan iborat yo‘lakchasi (ikki metrli devor, 12 metrli bum).

Jismoniy madaniyat fani bo‘yicha dars mashg‘ulotlarida zamonaviy sport trenajyorlardan foydalanish yo‘lga qo‘yilgan.

Har bir sport seksiyasi bo‘yicha biriktirilgan kafedra xodimlari ichki ishlar idoralari xodimlari o‘rtasida o‘tkaziladigan musobaqalarda faol ishtirok etib kelishmoqda. Shuningdek, kafedra xodimlari tomonidan  sport to‘garaklari bo‘yicha Institut chempionatlari o‘tkazilib boriladi. Institut kursantlari o‘rtasida “Shaxmat”, “Voleybol”, “Yengil atletika”, “Futbol” kabi musobaqalar o‘tkaziladi. Sportning bir qancha turlaridan yaxshi natijalarga erishgan Institut kursantlaridan kursant F.B.Bozorov, R.R.Shokirov, A.R.Baxronov, A.R.Beysenbaev va A.A.Shirinovlar musobaqalarda faxrli o‘rinlarni egallab, Institut terma jamoasini musobaqalarda yuqori o‘rinlarni egallashida o‘z hissalarini qo‘shib kelishmoqda. 2017 yilning 18 noyabrida O‘zbekiston Respublikasi Davlat bayrog‘ining tashkil topgan kuni munosabati bilan o‘tkazilgan “Ommaviy ravishda 10 kilometrga yugurish” musobaqasida Institutning 4 nafar xodimlariga Mudofaa vazirligi tomonidan medallar topshirildi.

Institut terma jamoasi “Dinamo” jismoniy tarbiya va sport jamiyatiga qarashli jismoniy tarbiya jamoalari o‘rtasida har yili bo‘lib o‘tadigan spartakiada musobaqalarida uzluksiz ishtirok etib kelishmoqda va yaxshi natijalarga erishmoqda.