Moliya va ta’minot xizmati

O‘zbekiston Respublikasi Ichki ishlar vazirligi Yong‘in xavfsizligi instituti Moliya va moddiy-ta’minot xizmati

Sobiq Ittifoq Vazirlar kengashining 1977 yil 15 iyundagi 654-sonli Qarori asosida, ichki ishlar vazirligi Oliy  Yong‘indan saqlash texnika muhandislari maktabining Toshkent shahridagi  fa’kulteti tashkil etilishi bilan, ushbu fa’kultetning boshqa tarkibiy tuzilmalari bilan birgalikda Moddiy-texnika ta’minoti bo‘limi ham tashkil etilgan edi. O‘z faoliyatini 1978 yildan boshlagan bo‘lim dastlab fa’kultet, keyinchalik, 1993 yildan maktab doimiy va o‘zgaruvchan shaxsiy tarkibi uchun transport, kommunal, oziq-ovqat ta’minoti, xizmat kiyim-kechaklari va boshqa turdagi tovar-moddiy boyliklar bilan ta’minlash vazifasini bajarib keldi. 

O‘zbekiston Respublikasi Prezidentining 2017 yil 10 aprel kunidagi 5005-sonli Farmoniga asosan, maktab Institut maqomiga ega bo‘lganidan so‘ng, O‘zbekiston Respublikasi  Prezidentining 2017 yil 23 maydagi PQ-2991-sonli Qarori asosida xizmat Moliya va moddiy-texnika ta’minoti bo‘limi sifatida qayta tashkil etildi.

Bo‘limga turli yillarda polkovniklar I.Mamadaliev, A.Tursunxo‘jaev, A.Abdullaev, I.Murodovlar rahbarlik qilganlar. Xozirgi kunda, xizmatga polkovnik Toxtamuradov Dilshod Midxatovich rahbarlik qilib kelmoqda.

Moliya va moddiy-texnika ta’minoti xizmati tarkibiga kuyidagi bo‘lim va xizmatlar kiradi:

Moliya-iqtisod bo‘limi, bo‘lim boshlig‘i podpolkovnik Sharipov Farxod Xalilovich;

Oziq-ovqat ta’minoti bo‘limi, bo‘lim boshlig‘i podpolkovnik Abdulaxatov A’zam O‘rinbosarovich;

Qurilish va kommunal foydalanish bo‘limi, bo‘lim boshlig‘i mayor Rajabov To‘lqin Jumanazarovich;

Ta’minot va maishiy xizmat bo‘limi, bo‘lim boshlig‘i podpolkovnik Pardaev Ruziqul Qarshiboevich.

Yuqoridagi bo‘lim va xizmatlarning asosiy vazifalari kuyidagilardan iborat: pul mablag‘lari, moddiy boyliklar bilan ta’minlash, pul mablag‘lari va moddiy boyliklarni qabul qilish, olib kelish, saqlash, sarf etish, shaxsiy tarkibni sifatli oziq-ovqat bilan o‘z vaqtida ta’minlash, moddiy boyliklarni belgilangan me’yorlar asosida har bir shaxsiy tarkibga yetkazilishi, shaxsiy tarkibni maishiy, moddiy-ma’naviy extiyojlarini qondirish va sog‘ligini saqlashga doir barcha zaruriy sharoitlarni yaratish, texnik vositalar va boshqa turdagi moddiy boyliklardan to‘g‘ri foydalanish, saqlash, ta’mirlashni amalga oshirish, bino va inshootlar, kommunal tarmoqlardan va kommunal xizmatlardan to‘g‘ri foydalanish, kapital va joriy ta’mirlash ishlarini amalga oshirish.

Xizmatning soxaviy bo‘linmalari tomonidan, institut shaxsiy tarkibini uzluksiz ravishda barcha turdagi maxsulotlarga bo‘lgan ta’minotini amalga oshirish, mahsulotlarni xarid qilish, tashish, saqlash, tarqatish, xisobotlarni yuritish, bino va inshootlarga texnik xizmat ko‘rsatish, ekspluatatsiya qilish, kapital va joriy ta’mirlash ishlarini amalga oshirish, transport xizmati ko‘rsatish ishlarini amalga oshirib kelmoqda.

Institut doimiy va o‘zgaruvchan shaxsiy tarkibi ta’lim olishi, xizmat olib borishi uchun yetarli shart-sharoit yaratish, ta’lim jarayonini xozirgi zamon talabiga mos ravishda amalga oshirish va tashkillashtirish maqsadida,  O‘zbekiston Respublikasi Prezidentining 2017 yil 23 maydagi «Yong‘in xavfsizligi sohasidagi kadrlarni tayyorlash, qayta tayyorlash va malakasini oshirish tizimini takomillashtirish chora-tadbirlari to‘g‘risida»gi                PQ-2991-sonli Qarori qabul qilindi. Qarorda yuqorida ko‘rsatib o‘tilgan masalalarni hal etish bo‘yicha, 2017-2021 yillarga mo‘ljallangan «O‘zbekiston Respublikasi Ichki ishlar vazirligi yong‘in xavfsizligi instituti ta’lim-tarbiya faoliyatini takomillashtirish, moddiy-texnika bazasini mustaxkamlash chora-tadbirlar dasturi” tasdiqlangan.

Bu yillar davomida institutda ta’lim olayotgan kursant va tinglovchilarni ma’nan barkamol, jismonan sog‘lom qilib tarbiyalash, ularni yashashi va o‘qishi uchun barcha zaruriy sharoitlarni yaratish borasida keng qamrovli kompleks chora-tadbirlar amalga oshirish zarur bo‘ladi. Jumladan, Institut moddiy-texnika bazasini mustaxkamlash, o‘quv-laboratoriya kompleksi binosi, sport zal inshootini qurish, yangitdan qurilayotgan bino va inshootlarni zaruriy mebel va inventarlari, sport anjomlari, laboratoriya jixozlari, zamon talablariga to‘la javob beradigan axborot-texnologiyalari, multimediya va o‘quv metodik qo‘llanmalari bilan ta’minlash. Shuningdek, Dasturda institut xududida maxsus vositalar saqlash ombori qurish, o‘quv yong‘in o‘chirish poligoni tashkil etish va kelgusida poligoning bino va inshootlarini qurish ishlari xam nazarda tutilgan. Institut kursantlari uchun zamon talablariga mos ravishda yashash sharoitlarini yaratish maqsadida 3 ta mavjud binolarni rekonstruksiya qilib kengaytirish va ushbu binolarda qo‘shimcha ravishda kursantlarni joylashtirish va mavjud 3 ta binolarni kapital ta’mirlash tadbirlari rejalashtirilgan. 

Dasturda, institut tasarrufidagi uzoq yillardan buyon ekspluatatsiya qilib kelinayotgan transport vositalari va yong‘in o‘chirish texnikalarini ham bosqichma-bosqich yangilab borish tadbirlari nazarda tutilgan. Yuqorida ko‘rsatib o‘tilgan tadbirlarni amalga oshirish uchun umumiy tarzda 4 mlrd 440 mln. so‘m ajratilishi ko‘zda tutilgan.

Kelgusida Qarorda nazarda tutilgan kompleks choralarda belgilab o‘tilgan tadbirlarni amalga oshirilishi, institutda ta’lim-tarbiya jarayoni sifati va samaradorligini oshirish, institut faoliyatida qo‘shimcha yo‘nalishlar tashkil etish, ta’lim jarayoniga qo‘shimcha ravishda yuqori texnologiyalarni joriy etilishi, sport bilan shug‘ullanish uchun zaruriy sharoitlarni yaratilishi, zamonaviy yong‘in o‘chirish texnikalari bazasida ta’lim olishlari, shuningdek,  institut moddiy-texnika bazasini har tomonlama mustaxkamlash, jumladan: yangi bino va inshootlar qurish, institut tasarrufidagi transport vositalar parkini yangilash, bino va inshootlarni rekonstruksiya qilish va kapital ta’mirlash  uchun keng imkoniyatlar yaratadi.